Shërbimet e Policisë Kufitare Korçë njoftuan se kanë goditur një rast paligjshmërie në pikën kufitare të Kapshticës më 14 janar.
Gjatë kontrolleve të imtëshme në bazë të analizës së riskut, në dalje nga Shqipëria, në automjetin e shtetasit grek E. K., 30 vjeç, banues në Greqi, u gjet në një valixhe një sasi e vogël lënde e dyshuar narkotike cannabis sativa.
Lënda narkotike u sekuestrua në cilësinë e provës materiale. Specialistët për Hetimin e Narkotikëve në Drejtorinë Vendore të Policisë Korçë referuan materialet përkatëse në Prokurori.
Aty filloi procedimi penal ndaj E. K., i cili do të hetohet në gjendje të lirë.
Njoftimi zyrtar i policisë thekson se kontrolli u krye ndaj shtetasve dhe mjeteve në lëvizje.