Një incident i rëndë ka ndodhur në qytetin e Modenas në veri të Italisë, ku një makinë me shpejtësi të lartë ka goditur një grup këmbësorësh në zonën me qarkullim të kufizuar.
Shoferi, Salim el Koudri, 31-vjeçar italian me origjinë marokene i lindur në Bergamo dhe banor i provincës së Modenës, është arrestuar. Ai nuk kishte precedentë penalë dhe ndodhej nën trajtim për çrregullime mendore.
Makina përplasi disa persona, një vitrinë dyqani dhe një biçikletë, pastaj mbeti e bllokuar në trotuar. Autori u largua në këmbë, nxori thikën dhe plagosi lehtë një kalimtar, por u ndalua nga qytetarët.
Rreth shtatë persona u plagosën, dy prej tyre në gjendje të rëndë. Një grua mund të ketë nevojë për amputim të të dyja këmbëve. Karabinierët, policia lokale dhe helikopterë emergjence nga Bolonja dhe Pavullo mbërritën në vendngjarje.
Kryebashkiaku Mezzetti falënderoi qytetarët që ndaluan autorin. Kryeministrja Giorgia Meloni dhe ministri i brendshëm Matteo Piantedosi po ndjekin situatën. Autori deklaroi se veproi “nga pakënaqësia sepse ndihej i ngacmuar”. Hetimi vazhdon si akt kriminal individual.