Një 32-vjeçar shqiptar u arrestua në Città di Castello të Italisë për kërcënim dhe rezistencë ndaj një zyrtari publik. Ngjarja ndodhi kur policia iu përgjigj një grindjeje brenda një bari.
Me mbërritjen e forcave të rendit, oficerët gjetën dy persona duke u zënë ashpër me njëri-tjetrin. Pasi u përpoqën të qetësonin situatën dhe të identifikonin të dy burrat, vunë re sjellje armiqësore nga shqiptari, i cili ishte në gjendje të dehur. Ai shtyu dhe kërcënoi një oficer policie që u përpoq ta ndalonte.
Shqiptari u arrestua menjëherë dhe, me urdhër të Prokurorit Publik, u mbajt në qelitë e paraburgimit në pritje të seancës dëgjimore. Gjykatësi konfirmoi arrestimin, duke urdhëruar që ai të qëndronte në Umbertide.
Përveç kësaj, ai u ndëshkua me urdhër Daspo Willy, që i ndalon hyrjen në lokale për dy vjet.