Një 42-vjeçar shqiptar u arrestua nga policia italiane pasi kishte kërcënuar vazhdimisht me vdekje pronarët e një bari në zonën e stacionit të trenit pranë Piazza Roma.
Shqiptari kishte qenë subjekt i kontrolleve të mëparshme nga Karabinierët. Pronarët e lokalit kishin paraqitur ankesë për sjelljet e tij, të cilat kishin krijuar gjendje ankthi dhe frike. Kërcënimet ishin të vazhdueshme, për rrethana ende të paqarta.
Gjyqtari për Hetimet Paraprake i Gjykatës së Astit kishte lëshuar një urdhër që ndalonte kthimin e 42-vjeçarit në komunën e Bra dhe afrimin te pronarët italianë jo më pak se 1000 metra. Megjithatë, ai e shklei këtë masë për herë të disatën, duke qëndruar në zonë dhe duke vizituar biznesin e tyre.
Mediat italiane raportojnë se arrestimi ndodhi pas shkeljes së përsëritur të masës. Gjykata e Astit, pas vërtetimit të arrestimit, urdhëroi paraburgim. Pozicioni i 42-vjeçarit tani po shqyrtohet nga Autoriteti Gjyqësor, i cili do të vlerësojë veprimet e tij në gjykimin e ardhshëm.