Një 33-vjeçar shqiptar u plagos në shpatull nga policia italiane të hënën e 2 shkurtit 2026, rreth orës 22:00, në zonën e Valdarno-s, provincë Arezzo.
Ngjarja filloi kur tre persona, mes tyre shqiptari, kryen një vjedhje me thyerje në një banesë. Duke u larguar me automjet tip Golf nëpërmjet autostradës drejt Romës, ata u pikasën nga një patrullë e Policisë Rrugore. Pas refuzimit për të ndaluar dhe përplasjes me mjetin policor, autorët braktisën automjetin në korsinë e emergjencës.
Brenda makinës u gjetën mallra të vjedhura dhe mjete për vjedhje me thyerje. Të tre u hodhën në argjinatyrë dhe u përpjekën të arratisnin në këmbë. Ndjekja përfundoi me të shtëna nga policia, si pasojë e të cilave u plagos shqiptari.
Ai vetë telefonoi numrin e emergjencës 118 për ndihmë dhe u gjet në një fushë, rreth 500 metra larg autostradës. Pas ndërhyrjes së parë nga ambulanca e Kryqit të Bardhë të Monte San Savino-s, u transportua me helikopter në spitalin e Perugias, ku mbahet nën mbikëqyrje.
Autoritetet italiane po hetojnë ngjarjen për të mbledhur më shumë detaje.