Një 43-vjeçar shqiptar u arrestua në Itali pasi akuzohet për tentativë vrasjeje të bashkëshortes së tij. Ngjarja ndodhi dy ditë më parë në zonën e Materës, në Toskana.
Sipas hetimeve paraprake, gruaja, po shqiptare dhe nënë e tre fëmijëve, kishte ikur nga shtëpia për shkak të dhunës së përsëritur fizike dhe psikologjike. Ajo u strehua në zonën e Novo Siri bashkë me fëmijët.
43-vjeçari e përndjeku dhe i zuri rrugën në mes të rrugës, duke e sulmuar me një hanxhar mishi. Gruaja mbeti e plagosur rëndë me plagë në qafë dhe trup, por u vetëmbrojt nga goditjet e shumta.
Karabinierët ndërhynë menjëherë, duke e bërë autorin të largohej. Pas ndjekjes së makinës, ata e ndaluan dhe sekuestruan hanxharin si provë materiale.
Gruaja po mjekohet në spitalin Policoro, ku është jashtë rrezikut për jetën.
Gjatë kontrollit në dhomën e hotelit ku po qëndronte autori, policia gjeti një sasi kokaine, e cila u sekuestrua.
Me urdhër të Prokurorit Publik në Matera, i cili koordinoi hetimin, 43-vjeçari u dërgua në burgun lokal. Gjykatësi i Hetimeve Paraprake vlerësoi arrestimin dhe urdhëroi mbajtjen në paraburgim për tentativë vrasjeje.
Përditësime
Autoritetet italiane konfirmuan se çifti ishte ndarë zyrtarisht dhe burri nuk e pranonte ndarjen, si motiv i sulmit. Gruaja u plagos vetëm në dorë dhe u strehua pranë të afërmeve në Nova Siri.