1 Maji shënon Ditën Ndërkombëtare të Punëtorëve. Sipas raportit të fundit të Komisionit Europian për kushtet e punës dhe punën e qëndrueshme, të publikuar në prill, 39% e punonjësve shqiptarë kanë vështirësi ose shumë vështirësi për të mbyllur muajin me të ardhurat familjare.
Kjo përqindje paraqet nivelin më të lartë në Europë. Mesatarja europiane është 8%. Greqia renditet e dyta me 21%.
Në vendet e Ballkanit, niveli është më i lartë se mesatarja europiane, por më i ulët se në Shqipëri:
- Kosova: 18%
- Bosnja dhe Hercegovina: 13%
- Serbia dhe Maqedonia e Veriut: nga 9%
- Kroacia: 8%
- Mali i Zi: 7%
Raporti vlerëson se Maqedonia e Veriut dhe Mali i Zi kanë shënuar përmirësim të ndjeshëm gjatë dekadës së fundit. Në Shqipëri, përqindja mbetet në nivele të larta.
Anketimi realizohet çdo pesë vjet. Të anketuarit vlerësojnë aftësinë e familjes për të përballuar shpenzimet mujore në një shkallë me gjashtë nivele, duke marrë parasysh të ardhurat totale nga burime të ndryshme.