Një mashkull rreth 48-vjeçar është gjetur pa shenja jete në rrugën "Ali Zeneli" në Mitrovicë, rreth orës 05:30 të mëngjesit të sotëm.
Lajmin e ka konfirmuar zëdhënësi rajonal i Policisë, Avni Zahiti. Sipas tij, policia ka marrë njoftimin për ngjarjen dhe njësitet përkatëse kanë dalë menjëherë në vendngjarje.
Aty janë ndërmarrë veprimet e nevojshme hetimore për zbardhjen e rrethanave. Me urdhër të prokurorit kompetent, trupi i pajetë i viktimës është dërguar në Institutin e Mjekësisë Ligjore për obduksion.
Rasti është iniciuar si "Hetim mbi vdekjen" dhe hetimet po vazhdojnë për të sqaruar rrethanat e ngjarjes. Një burim e specifikon ngjarjen në Mitrovicën e Jugut.