Një 52-vjeçar me inicialet A. K., i njohur si Arben Karamuço dhe banues në Tiranë, ka ndërruar jetë në një aksident të ndodhur rreth orës 16:45 në vendin e quajtur Kepi i Rodonit, në Durrës. Ai drejtonte një motomjet me 4 goma në një terren me shkurre, ku dyshohet se ka humbur kontrollin dhe është rrëzuar.
Sipas njoftimit zyrtar të policisë së Durrësit:
"Rreth orës 16:45, në vendin e quajtur «Kepi i Rodonit», në një terren me shkurre, shtetasi A. K., rreth 52 vjeç, banues në Tiranë, duke drejtuar një motomjet (me 4 goma), dyshohet se ka humbur kontrollin, si pasojë e terrenit, dhe është rrëzuar. Si pasojë, 52-vjeçari ka ndërruar jetë në vendngjarje. Në motomjet ndodhej edhe bashkëshortja e tij, shtetasja E. K., 44 vjeçe, e cila është lënduar lehtë dhe ndodhet jashtë rrezikut për jetën."
Grupi hetimor i policisë ka mbërritur në vendngjarje dhe po punon për zbardhjen e plotë të rrethanave dhe shkaqeve të aksidentit.