Një këmbësor 81-vjeçar humbi jetën pasi u përplas nga një automjet në lagjen nr. 14 të Durrësit, rreth orës 19:12 të mbrëmjes së 8 nëntorit. Sipas informacionit paraprak të Policisë, automjeti drejtohej nga K. Gj., 26 vjeçe, ndërsa këmbësori ishte B. Z., 81 vjeç.
I moshuari ndërroi jetë nga dëmtimet e marra në përplasje. Pas ngjarjes, drejtuesja e automjetit u shoqërua në ambientet e Policisë për veprime të mëtejshme procedurale.
Grupi hetimor, nën drejtimin e Prokurorisë, po vijon veprimet për sqarimin dhe dokumentimin e plotë të rrethanave të ngjarjes. Sipas njoftimit të Policisë, po punohet edhe për përcaktimin e shkaqeve që çuan në aksident. Burimet nuk japin hollësi të tjera për mënyrën si ndodhi përplasja.