Një aksident rrugor me pasojë vdekjen është regjistruar mbrëmjen e 28 shkurtit në Durrës, në aksin rrugor Shkozet–Plepa.
Rreth orës 19:30, automjeti i drejtuar nga shtetasi S. N., 23 vjeç, përplasi shtetasin D. T., 81 vjeç, i cili lëvizte në këmbë. Si pasojë e përplasjes, 81-vjeçari ndërroi jetë në vendngjarje.
Drejtuesi i automjetit, S. N., është shoqëruar në Komisariat për veprime të mëtejshme procedurale.
Grupi hetimor ndodhet në vendngjarje dhe po punon për sqarimin e rrethanave të aksidentit, si dhe për përcaktimin e përgjegjësive.
Shërbimet e emergjencës nuk kanë mundur të ndërhyjnë për shpëtimin e viktimës.
Përditësime
Policia konfirmoi arrestimin në flagrancë të S. N., banues në Durrës, nga specialistët e qarkullimit rrugor dhe i referoi materialet procedurale Prokurorisë për veprime të mëtejshme.