Një studim i organizatës Best for Britain, i publikuar 10 vjet pas referendumit të Brexit-it, tregon se 53% e votuesve britanikë mbështesin rikthimin e plotë të Britanisë së Madhe në Bashkimin Europian, jo vetëm afrimin me tregun e përbashkët.
Mbështetja është e lartë mes votuesve progresistë: 83% e mbështetësve të Partisë Laburiste, 84% e atyre të Liberal Demokratëve dhe 82% e votuesve të Partisë së Gjelbër. Te votuesit e Partisë Konservatore mbështetja është 39%, ndërsa te Reform UK vetëm 18%.
Ekspertët paralajmërojnë se qasja e vakët e Partisë Laburiste ndaj kësaj çështjeje rrezikon t’i kushtojë mbështetjen e votuesve progresistë, edhe në bastionet e tyre të njohura si "red wall" ose muri i kuq.
Britania së Madhe mbajti referendum në qershor të 2016-ës, ku 52% e votuesve votuan për largim nga Bashkimin Europian dhe 48% për qëndrim. Rezultati shkaktoi protesta, veçanërisht në Skoci. Ajo kishte qenë anëtare e BE-së që në 1973 dhe u bë vendi i parë që largohet nga blloku, me procesin që zgjati rreth dy vjet.