Një burrë 53-vjeçar me origjinë shqiptare u gjet i pajetë brenda banesës së tij në Cuneo të Italisë. Ngjarja u zbulua pasi ai kishte vdekur prej të paktën një jave.
Fqinjët e godinës në qendër të qytetit raportuan një erë të vazhdueshme në shkallët e pallatit, çka çoi në ndërhyrjen e zjarrfikësve dhe karabinierëve. Ata hynë në apartamentin në Via Luigi Gallo dhe gjetën trupin e pajetë, që kishte filluar kalbëzimin.
Hetimet fillestare tregojnë se i ndjeri jetonte i vetëm dhe askush nuk ishte interesuar për të gjatë kësaj periudhe. Sipas mediave italiane, si La Stampa, dyshohet se vdekja ka ardhur për shkaqe natyrale.
Trupi u transferua në morgën e Cuneos për procedurat e mëtejshme hetimore. Pritet identifikimi i plotë dhe paraqitja e të afërmve të tij.