Astrit Koni, 59-vjeçar shqiptar, ka vrarë ish-gruan e tij Dritën Koni dhe partnerin e saj të ri, të dy shqiptarë, në Cossombrato të Astit pranë Torinos në Itali. Ngjarja ndodhi mëngjesin e 18 prillit 2026. Pas vrasjes, Koni kryer vetëvrasje duke u hedhur nga kulla e kështjellës ku punonte si kopshtar.
Sipas hetimeve paraprake të karabinierëve, Astrit Koni dhe ish-gruaja e tij jetonin në Itali prej rreth 20 vitesh. Ai dyshohet se kishte tentuar disa herë të rikthehej me Dritën Koni, por ajo e kishte refuzuar për shkak të marrëdhënies së re. Motivi lidhet me xhelozinë.
Vrasja u krye me një çengel bujqësor në një zonë fushore pranë hyrjes së fshatit, ku trupat e viktimave u gjetën në një kanal ose hendek, pak metra larg njëri-tjetrit. Viktimat kujdeseshin për një koshere bletësh në atë zonë. Çengeli u gjet pranë trupave.
Astrit Koni kishte akses në kështjellë falë punës si kopshtar dhe çelësave. Pas krimit, ai u ngjit në kullën mesjetare dhe u hodh, duke vdekur në vend.
Alarmi u ngrit nga vëllai i Dritës Koni, i shqetësuar për mungesën e kontaktit me motrën. Karabinierët gjetën së pari trupin e autorit poshtë kullës, çka ngriti dyshime për vetëvrasje. Pas disa orësh kërkimesh, u zbuluan edhe trupat e dy viktimave.
Hetimet vijojnë për të sqaruar rrethanat e plota të ngjarjes.
Përditësime
Drita Mecollari (55 vjeç) dhe Bardhok Gega (57 vjeç) identifikohen si viktimat e vrarë nga Astrit Koni (59 vjeç), i njohur si Arturo në Itali.
Koni la mesazhin e fundit: “Më ke shkatërruar jetën këto 15 vite, por tani gjithçka ka mbaruar.”
Ai u vetëvra në orën 15:00 të së premtes, duke u hedhur nga dritarja e kullës Castello di Cossombrato para dëshmitarëve. Familja denoncoi zhdukjen e tij pas dy ditësh.