8-vjeçari i plagosur në aksidentin e ndodhur në zonën e ish-Kënetës në Durrës ka dalë nga gjendja e rëndë dhe ndodhet jashtë rrezikut për jetën. Ai pritet të transferohet në pavion, ndërsa do të vijojë të ndiqet nga mjekët e Spitalit të Traumës për trajtimin e dëmtimeve të marra.
Ngjarja ndodhi pasditen e së dielës, kur një automjet i drejtuar nga 57-vjeçari Nikoll Radaçi përplasi tre fëmijë. Kles Nikolli, 9 vjeç, dhe Enea Muçaj, 12 vjeç, humbën jetën, ndërsa shoku i tyre 8-vjeçar mbeti i lënduar.
Radaçi dyshohet se ishte në gjendje të dehur në momentin e aksidentit. Mjekët e Spitalit të Traumës kanë konfirmuar përmirësimin e gjendjes së të miturit.