AAPSK bën të ditur se gjatë tremujorit të parë të vitit 2026, të ardhurat nga administrimi i pasurive të sekuestruara dhe konfiskuara arritën në 64.6 milionë lekë, krahasuar me 49.2 milionë lekë në të njëjtën periudhë të vitit 2025. Kjo përfaqëson një rritje prej 31%.
Analiza mujore tregon një trend rritës të vazhdueshëm nga janari deri në mars 2026, me muajin mars që shënoi nivelin më të lartë të të ardhurave.
Ky rezultat është arritur falë masave konkrete, si:
- zgjerimi i kontratave të reja të qirasë;
- forcimi i mekanizmave të kontrollit dhe monitorimit të pasurive;
- rritja e efikasitetit në menaxhimin financiar dhe operativ.
Këto të ardhura vijnë vetëm nga qiradhënia e pasurive të sekuestruara dhe konfiskuara, pa përfshirë ankandet apo interesat e llogarive bankare. Përmirësimi reflekton një qasje më të strukturuar dhe transparente në administrimin e aseteve, duke mbështetur agjencitë ligjzbatuese.
AAPSK mbetet e angazhuar për përmirësim të mëtejshëm të proceseve, zgjerim të kontratave të qirave dhe rritje të ardhurash në vijim të vitit 2026. Ecuria pozitive shërben si bazë për performancë më të lartë.