Ish-drejtoresha e AKSHI-t, Mirlinda Karçanaj, është paraqitur sot në ambientet e Prokurorisë së Posaçme Antikorrupsion (SPAK), e shoqëruar nga avokatja e saj. Paraqitja vjen në vijim të procedurave ligjore, pasi Gjykata e Lartë vendosi të lehtësojë masën e saj të sigurisë nga "arrest shtëpie" në "detyrim paraqitje".
Karçanaj është pjesë e një grupi prej 8 të pandehurve që po hetohen për skandalin me tenderat e AKSHI-t. Sipas dosjes hetimore, të pandehurit akuzohen se kanë vepruar si pjesë e një grupi të strukturuar kriminal, duke manipuluar procedurat tenderuese, favorizuar kompani të caktuara dhe ushtruar presion ndaj operatorëve konkurrues.
Ndaj tyre janë ngritur akuzat për disa vepra penale, si:
• Konkurrencë e paligjshme nëpërmjet dhunës
• Heqje e paligjshme e lirisë
• Shkelje e barazisë në tendera
• Grup i strukturuar kriminal
• Pastrim i produkteve të veprës penale (pastrim parash)