Shtetet e Bashkuara janë pranë marrjes së të drejtës për të organizuar Kupën e Botës për Femra në vitin 2031, përmes një kandidature të përbashkët me Meksikën, Kosta Rikën dhe Xhamajkën. Ndonëse FIFA nuk e ka zyrtarizuar ende vendimin, zyrtarë të lartë pranë Shtëpisë së Bardhë kanë bërë të ditur qëndrimin e qeverisë amerikane.
Andrew Giuliani, drejtues i grupit të punës për këtë ngjarje, deklaroi se mbështetja e qeverisë amerikane, përfshirë garancitë thelbësore për viza dhe siguri, është e kushtëzuar nga politikat gjinore të FIFA-s. Administrata kërkon që në turne të marrin pjesë vetëm gratë dhe jo meshkujt biologjikë, duke kërkuar një përputhje të rregullores së institucionit me qëndrimet e qeverisë së SHBA-së.
Pozicioni i FIFA-s dhe standardet ndërkombëtare
Aktualisht, FIFA nuk kërkon verifikime gjenetike të detyrueshme për futbollistet, por udhëzon federatat kombëtare të hetojnë çdo "devijim të perceptuar në karakteristikat sekondare seksuale". Ky qëndrim ndryshon nga politika e ndjekur nga Komiteti Olimpik Ndërkombëtar, i cili ka vendosur kufizime për gratë transgjinore në garat sportive dhe kërkon kontrolle gjenetike.
Sipas Giuliani-t, nëse kjo çështje nuk zgjidhet, diskutimet për garancitë shtetërore mund të përballen me vështirësi. Ai theksoi se zgjidhja e këtij problematike është parakusht për avancimin e mëtejshëm të bisedimeve për organizimin e këtij eventi.