Edhe pse Kupa e Botës 2026 është ende në zhvillim e sipër, gjashtë kombëtare e kanë siguruar tashmë vendin e tyre në Kampionatin Botëror të vitit 2030. Spanja, Portugalia dhe Maroku janë konfirmuar si organizatoret kryesore, ku do të zhvillohet edhe pjesa më e madhe e ndeshjeve të turneut.
Për të kremtuar 100-vjetorin e Kupës së Botës, e cila u mbajt për herë të parë në vitin 1930, FIFA ka vendosur që ndeshjet inauguruese të zhvillohen në Amerikën e Jugut. Uruguai, Argjentina dhe Paraguai do të presin secila nga një ndeshje festive, duke u shndërruar në vende mikpritëse për fazën hapëse të këtij edicioni historik.
Falë statusit të tyre si shtete pritëse, të gjashtë federatat kanë siguruar pjesëmarrjen në fazën finale pa pasur nevojë të kalojnë fazën kualifikuese. Ky format përbën një risi në historinë e futbollit, pasi është hera e parë që një kampionat shtrihet në gjashtë shtete dhe tri kontinente të ndryshme. Paralelisht, FIFA po punon mbi planet për zgjerimin e mëtejshëm të turneut, duke shqyrtuar mundësinë që numri i ekipeve pjesëmarrëse të rritet në 64 skuadra.
Përditësime
UEFA po planifikon një format të ri kualifikimi për Botërorin 2030, të ngjashëm me strukturën e re të Champions League, me ndeshjet që pritet të nisin në vitin 2029. Presidenti i FIFA-s, Gianni Infantino, ka mbështetur propozimin për zgjerimin e turneut në 64 skuadra, ndërsa gjashtë kombëtare do të kualifikohen automatikisht.