Aeroporti i Dubait rifilloi pjesërisht operacionet më 7 mars, pas një pezullimi të shkurtër.
Autoritetet e aeroportit e bënë të ditur këtë në një deklaratë të publikuar në rrjetin social X. Sipas deklaratës, disa fluturime kanë rifilluar të operojnë nga Dubai International Airport (DXB) dhe nga Al Maktoum International Airport (DWC).
“Ne kemi rifilluar pjesërisht operacionet duke filluar nga sot, 7 mars”, thuhet në deklaratë.
Autoritetet u kanë bërë thirrje pasagjerëve që të mos udhëtojnë drejt aeroportit nëse nuk janë kontaktuar nga linja e tyre ajrore për konfirmimin e fluturimit. Oraret mund të jenë ende subjekt i ndryshimeve.