Aeroporti Ndërkombëtar i Tiranës ka njoftuar pezullimin e përkohshëm të fluturimeve drejt Tel Avivit dhe Dubait. Shkaku është përshkallëzimi i situatës së sigurisë në Lindjen e Mesme dhe mbyllja e disa hapësirave ajrore në rajon.
Sipas komunikimit zyrtar, masa hyn në fuqi menjëherë dhe do të vazhdojë deri në një njoftim të dytë, në varësi të zhvillimeve. Tensionet në rajon lidhen me bombardimet ndaj Iranit dhe kundërpërgjigjes së Teheranit drejt shteteve të Gjirit.
Autoritetet e aeroportit rekomandojnë që pasagjerët të kontaktojnë kompanitë ajrore përkatëse për informacion të përditësuar mbi rezervimet, rimbursimet ose alternativat e udhëtimit. Qëllimi është garantimi i sigurisë së udhëtarëve.