Drejtori sportiv i klubit të Partizanit, Agim Ibrahimi, i ka paraqitur dorëheqjen presidentit Gazment Demi. Ky vendim pason një periudhë bashkëpunimi disa mujore, gjatë së cilës po punohej për ndërtimin e skuadrës së sezonit të ardhshëm.
Sipas burimeve brenda klubit, largimi lidhet me vështirësitë në marrëdhëniet mes drejtuesve dhe mungesën e pavarësisë së kërkuar nga Ibrahimi në proceset vendimmarrëse. Ai kishte kërkuar që kompetencat e tij të ishin më të qarta dhe pa ndërhyrje, një kërkesë që nuk është realizuar.
Me largimin e tij, Partizani mbetet në kërkim të një drejtori të ri sportiv. Ky pozicion ka qenë shpesh i ndryshueshëm te klubi i kuq, ku ndër figurat e fundit që e kanë mbajtur këtë post janë përmendur Marini dhe Abilaliaj.