Një aksident i rëndë rrugor ka ndodhur në rrugën nacionale Çermë-Divjakë, në afërsi të fshatit Çermë Shkumbin, ku për pasojë ka humbur jetën një 39-vjeçar. Automjeti tip Opel, i cili drejtohej nga viktima Bajram Kaçani, është përplasur kokë më kokë me një automjet tip BMW.
Nga përplasja kanë mbetur të plagosur pesë personat që udhëtonin në automjetin BMW, mes të cilëve tre fëmijë. Të lënduarit janë dërguar menjëherë për ndihmë mjekësore në Spitalin e Lushnjës. Sipas stafit mjekësor, ata ndodhen jashtë rrezikut për jetën.
Shërbimet e Policisë Rrugore kanë mbërritur në vendngjarje për të kryer veprimet procedurale. Një grup hetimor, nën drejtimin e Prokurorisë, po punon për zbardhjen e dinamikës dhe shkaqeve të këtij aksidenti tragjik. Viktima, Bajram Kaçani, ishte baba i tre fëmijëve.
Përditësime
Policia e Shtetit ka publikuar pamjet nga aksidenti tragjik në aksin Çermë-Divjakë. Hetimet paraprake tregojnë se automjeti tip Opel është shkatërruar thuajse plotësisht pas përplasjes, ndërsa 39-vjeçari që drejtonte mjetin ka ndërruar jetë në vendngjarje për shkak të plagëve të rënda.
Policia e Shtetit ka dhënë detaje mbi aksidentin e ndodhur rreth orës 15:00 në aksin Çermë-Divjakë. Një 39-vjeçar ka humbur jetën gjatë transportimit për në spital. Autoritetet kanë identifikuar drejtuesin e mjetit tjetër, shtetasin H.M., 45 vjeç, i cili udhëtonte me bashkëshorten e tij, E.M. Bilanci i të plagosurve është rishikuar në 4 persona, përfshirë 2 fëmijë.