Aksidenti ka ndodhur rreth orës 16:30 të ditës së sotme në aksin rrugor Korçë–Ersekë, në afërsi të fshatit Kamenicë. Një automjet tip Nissan, i drejtuar nga shtetasi 76-vjeçar Sh. V., ka përplasur dy këmbësorë, 44-vjeçaren Sh. M. dhe djalin e saj të mitur 3-vjeçar.
Si pasojë e përplasjes së rëndë, i mituri ka ndërruar jetë më vonë në spital. Nëna e tij, Sh. M., po merr ndihmë mjekësore dhe ndodhet jashtë rrezikut për jetën.
Drejtuesi i mjetit është shoqëruar nga Policia e Shtetit në komisariat për kryerjen e veprimeve të mëtejshme procedurale. Grupi hetimor ndodhet në vendngjarje dhe po punon për zbardhjen e rrethanave të aksidentit.
Banorët e zonës kanë shprehur shqetësimin e tyre për sigurinë rrugore në këtë segment, duke kërkuar marrjen e masave si vendosja e pengesave për kontrollin e shpejtësisë, pasi aksidente të tilla kanë ndodhur edhe më parë.
Përditësime
Policia e Korçës ka zbardhur dinamikën e aksidentit tragjik, ku humbi jetën një 3-vjeçar. Automjeti, që udhëtonte nga Korça drejt Qafës së Qarrit, ka dalë në krahun tjetër të rrugës pasi drejtuesi tentoi të shmangte përplasjen.