Një aksident rrugor me pasojë vdekjen është regjistruar mëngjesin e kësaj të hëne në aksin rrugor Bradashesh-Peqin, në afërsi të vendit të quajtur “Paraburgimi”. Një automjet tip BYD, i cili drejtohej nga shtetasi F. Q., 47 vjeç, banues në Papër, ka përplasur një këmbësore rreth 60 vjeçe. Si pasojë e përplasjes së rëndë, gruaja ka humbur jetën në vendngjarje.
Sipas njoftimit zyrtar të Policisë, drejtuesi i automjetit është shoqëruar në Komisariat për kryerjen e veprimeve të mëtejshme procedurale. Grupi hetimor, nën drejtimin e Prokurorisë, po vijon punën për dokumentimin e plotë të dinamikës së aksidentit, përcaktimin e shkaqeve të përplasjes, si dhe për identifikimin e shtetases që humbi jetën, e cila deri në këto momente mbetet ende e paidentifikuar nga autoritetet.
Përditësime
Autoritetet e Policisë konfirmuan identifikimin e viktimës së aksidentit në aksin Elbasan-Peqin si shtetasja B. Ç., 65 vjeçe, duke saktësuar moshën e saj nga 60 vjeç sa ishte raportuar fillimisht.