Një aksident rrugor me pasojë vdekjen është regjistruar mbrëmjen e së hënës, më 3 gusht 2026, në aksin rrugor Lezhë-Milot. Ngjarja ka ndodhur në afërsi të kryqëzimit të Shënkollit, ku një automjet ka përplasur për vdekje një këmbësor, mosha e të cilit dyshohet të jetë rreth 50 vjeç.
Sipas informacioneve paraprake, automjeti i përfshirë, i identifikuar si model Ford Kuga, pasi ka goditur këmbësorin, ka dalë nga rruga dhe është përplasur me stendën e frutave dhe perimeve të një marketi që ndodhej në anën e rrugës.
Shërbimet e Policisë dhe grupi hetimor janë nisur menjëherë drejt vendit të ngjarjes për të kryer veprimet procedurale. Autoritetet po punojnë për zbardhjen e shkaqeve dhe rrethanave të plota të këtij aksidenti të rëndë. Identiteti i viktimës mbetet ende i papublikuar, pasi deri në këto momente nuk ka një njoftim zyrtar nga ana e autoriteteve.
Përditësime
Policia e Lezhës ka identifikuar viktimën e aksidentit fatal në aksin Lezhë-Milot si shtetasin G. T., rreth 50 vjeç. Për ngjarjen e ndodhur rreth orës 23:00, autoritetet kanë shoqëruar në komisariat drejtuesin e mjetit, A. P., 42 vjeç.
Policia ka identifikuar viktimën e aksidentit fatal në aksin Lezhë-Milot si shtetasi Gëzim Tuci, ndërsa drejtuesi i mjetit tip Ford Kuga është identifikuar si Artur Prendi. Nga testi i alkoolit, Prendi ka rezultuar negativ. Hetimet paraprake sugjerojnë se shkak i aksidentit ka qenë kalimi i papritur i rrugës nga ana e këmbësorit.