Një person ka humbur jetën në një aksident rrugor në autostradën Ibrahim Rugova. Lajmi është bërë i ditur nga deputeti i Lidhjes Demokratike të Kosovës, Ermal Sadiku, përmes një reagimi në rrjetet sociale.
Sipas Sadikut, shkaku i aksidentit është prania e një grumbulli dheu në rrugë, për të cilin ai pretendon se është denoncuar vazhdimisht prej tri vitesh, por nuk është hequr nga autoritetet. Në reagimin e tij, deputeti i LDK-së ka kritikuar qeverinë, duke deklaruar se ajo ka humbur përgjegjësinë dhe empatinë ndaj qytetarëve.
"Një copë dhe, që prej tri vitesh nuk arrini ta largoni. Një problem i njohur, i raportuar e i denoncuar vazhdimisht", ka shkruar Sadiku në postimin e tij.