Një aksident rrugor ka ndodhur mesditën e të hënës, më 4 maj 2026, në aksin Berat-Otllak, ku drejtuesi i një motori ka humbur jetën si pasojë e përplasjes me një makinë.
Viktima identifikohet si Ardian Azemi, rreth 60 vjeç. Ngjarja ka ndodhur në zonën e Otllakut, qarku Berat.
Policia ka mbërritur menjëherë në vendngjarje dhe po punon për zbardhjen e rrethanave të plota të aksidentit. Ende nuk janë dhënë detaje të tjera mbi shkaqet apo gjendjen e drejtuesit të makinës.