Një aksident tragjik me pasojë vdekjen u regjistrua pasditen e së martës, më 22 shtator 2026, në zonën e Don Boskos në kryeqytet. Sipas njoftimit zyrtar të Policisë së Shtetit, automjeti me drejtues shtetasin F. F., rreth 42 vjeç, është përplasur me motomjetin që drejtohej nga shtetasi Prend Ndreu, rreth 64 vjeç.
Pas përplasjes, drejtuesi i motomjetit u transportua për në Spitalin e Traumës për të marrë ndihmë mjekësore, por për fat të keq nuk u mbijetoi plagëve të marra. Sipas raportimeve, viktima ka ndërruar jetë gjatë transportimit ose menjëherë pas mbërritjes në qendrën spitalore.
Drejtuesi i automjetit është shoqëruar në komisariat për të kryer procedurat e nevojshme. Ndërkohë, grupi hetimor ndodhet në vendngjarje dhe po punon për zbardhjen e plotë të dinamikës dhe shkaqeve që çuan në këtë aksident fatal.