Një aksident rrugor u regjistrua rreth orës 03:00 të së martës në zonën e Selvisë në Tiranë, ku një automjet u përplas me një motor.
Për pasojë mbetën të plagosur dy të rinj rreth 20 vjeç, Gledis Zefi dhe Abdurrahman Bollati, të cilët udhëtonin me motor. Të dy u transportuan me urgjencë në Spitalin e Traumës për ndihmë mjekësore.
Burime spitalore njoftojnë se Gledis Zefi ndodhet në gjendje të rëndë shëndetësore, ndërsa Abdurrahman Bollati, drejtues i motorit, paraqitet në gjendje të qëndrueshme. Stafi mjekësor po i mban të dy të plagosurit në monitorim të vazhdueshëm.
Autoritetet po hetojnë rrethanat e aksidentit.