Një aksident me fatalitet ka ndodhur mëngjesin e së shtunës në rrugën që lidh Bukoshin me Savrovën. Nga përplasja e dy veturave, ka humbur jetën Arijeta Rexhep Luzha, e lindur më 9 janar 1997 në fshatin Vraniq të Suharekës. Lajmin e ka konfirmuar zyrtarisht Policia e Kosovës për rajonin e Prizrenit.
Sipas informacioneve të bëra të ditura, përveç viktimës, në këtë ngjarje ka pësuar lëndime trupore edhe një person tjetër. Shoqata Vraniqi ka njoftuar se ceremonia e varrimit të së ndjerës do të mbahet të dielën, më 16 gusht 2026, në orën 15:00, në varrezat e fshatit Vraniq.
Rrethanat dhe shkaqet e plota që çuan në këtë aksident nuk janë bërë ende të ditura nga autoritetet policore. Hetimet për zbardhjen e shkaqeve të kësaj ngjarjeje tragjike vijojnë.
Përditësime
Bashkëfshatarët e së ndjerës Arijeta Rexhep Luzha kanë shprehur ngushëllimet e tyre publike për humbjen e jetës së 29-vjeçares. Familjarët, ndër të cilët baca Rexhep, zonja Hajrie, Hasani dhe Avnia, kanë marrë mesazhe mbështetjeje nga komuniteti pas aksidentit tragjik në rrugën Bukosh-Savrovë.