Një aksident me pasojë vdekjen ka ndodhur rreth orës 00:00 të datës 13 shkurt 2026, në aksin rrugor Vorë-Fushë-Prezë.
Sipas njoftimit të policisë, shtetasja E. E., rreth 23 vjeçe, dyshohet se ka humbur kontrollin mbi drejtimin e automjetit, i cili u përplas me barrierat anësore të rrugës. Viktima, e identifikuar si Elvina Elezi, ka ndërruar jetë në spital.
Grupi hetimor vijon punën për zbardhjen e rrethanave të aksidentit. Materialet procedurale iu referuan Prokurorisë së Tiranës për veprime të mëtejshme.