Një aksident rrugor me pasojë vdekjen e një 28-vjeçari ndodhi më 22 mars 2026, rreth orës 13:50, në aksin rrugor Baldushk–Vishnje në Tiranë.
Sipas njoftimit të policisë, shtetasi B. Z., rreth 28 vjeç, dyshohet se ka humbur kontrollin mbi drejtimin e motomjetit dhe motomjeti u përplas me barrierat anësore të rrugës. Si pasojë e përplasjes, 28-vjeçari humbi jetën.
Grupi hetimor vijon punën për sqarimin e plotë të rrethanave të ngjarjes. Materialet procedurale iu referuan Prokurorisë së Tiranës për veprime të mëtejshme.