Një aksident trafiku është regjistruar mëngjesin e sotëm në dalje të Fushë-Kosovës, ku dy mjete të rënda janë përplasur me njëri-tjetrin. Përplasja ka shkaktuar bllokim të qarkullimit rrugor, duke sjellë formimin e kolonave të gjata të automjeteve në këtë zonë.
Sipas informacioneve paraprake, ende nuk ka të dhëna zyrtare lidhur me shkaqet e aksidentit apo nëse nga ky incident ka persona të lënduar. Autoritetet po punojnë për të zbardhur rrethanat e ngjarjes dhe për normalizimin e qarkullimit në rrugë.