Një aksident rrugor ka ndodhur më 30 mars 2026 në aksin Fier-Patos, në vendin e quajtur Portëz. Një person që lëvizte me biçikletë u godit nga një automjet dhe ra përtokë i dëmtuar.
I dëmtuari u transportua menjëherë me ambulancë në Spitalin Rajonal të Fierit, ku po merr ndihmën mjekësore. Burimet paraprake bëjnë me dije se ai ndodhet jashtë rrezikut për jetën.
Në vendngjarje kanë mbërritur forcat e policisë dhe grupi hetimor, të cilët po kryejnë verifikimet për të përcaktuar shkaqet dhe rrethanat e aksidentit.