Një aksident rrugor me pasojë lëndimin e tre personave ka ndodhur mbrëmjen e sotme në aksin Fushë Krujë-Tiranë, pranë kryqëzimit të Niklës. Në ngjarje janë përfshirë tre mjete, një fuoristradë dhe dy autovetura, të gjitha të markës Mercedes-Benz.
Të lënduarit janë dërguar me urgjencë drejt Spitalit të Traumës në Tiranë, ku po marrin ndihmën e nevojshme mjekësore. Sipas informacioneve paraprake, shkaku i përplasjes dyshohet të ketë qenë ndërprerja e rrugës nga drejtuesi i fuoristradës. Shkaqet dhe dinamika e plotë mbeten ende objekt i hetimit nga shërbimet e Policisë Rrugore që ndodhen në vendngjarje.