Një aksident rrugor u regjistrua paraditen e sotme, rreth orës 09:40, në aksin Levan-Tepelenë, në vendin e quajtur Varibop.
Sipas informacioneve paraprake, një automjet tip Volkswagen, me drejtues shtetasin me inicialet K.M., ka humbur kontrollin dhe ka dalë nga rruga, duke përfunduar në një kanal anësor.
Si pasojë, drejtuesi i mjetit ka mbetur i lënduar dhe është transportuar për ndihmë mjekësore në Spitalin Rajonal të Fierit. Burime mjekësore konfirmojnë se ai ndodhet jashtë rrezikut për jetën.
Forcat e Policisë ndodhen në vendngjarje dhe po kryejnë veprimet procedurale për zbardhjen e shkaqeve dhe rrethanave të plota të aksidentit.