Një aksident rrugor u regjistrua mëngjesin e kësaj të mërkure në autostradën Lushnje-Fier, në afërsi të fshatit Bishqethëm.
Një automjet tip Opel me targa greke u përplas nga pas nga një fuoristradë. Si pasojë e përplasjes, mjeti u kthye përmbys dhe përfundoi në kanalin pranë autostradës.
Drejtuesi i automjetit me targa greke, një emigrant rreth 40-vjeçar i kthyer kohët e fundit nga Greqia, u dërgua me urgjencë në Spitalin e Lushnjës. Sipas mjekëve, gjendja e tij është stabile dhe jashtë rrezikut për jetën.
Paraprakisht, dyshohet se fuoristrada nuk mbajti distancën e duhur. Në momentin kur Opel-i kishte ndezur sinjalin për të dalë në rrugën dytësore, ndodhi përplasja. Grupi hetimor i policisë rrugore po kryen verifikimet për të përcaktuar shkaqet e sakta të aksidentit.
Në vendngjarje mbërritën shpejt forcat e policisë dhe shërbimi i urgjencës mjekësore.
Përditësime
Aksidenti ndodhi rreth orës 9:30 pranë Bishqethëmit në autostradën Lushnje-Fier. Fuoristrada përmbyset në kanal dhe pësoi dëme materiale.