Një aksident trafiku ka ndodhur rreth orës 09:30 në autostradën Prizren-Prishtinë, ku një kamionetë e ngarkuar me mall është rrokullisur. Aksidenti ka ndodhur në kilometri 51 të këtij aksi rrugor.
Zëdhënësi i Policisë së Kosovës, Bajram Krasniqi, deklaroi se në këtë ngjarje është përfshirë vetëm një automjet. Si pasojë e aksidentit, dy persona kanë pësuar lëndime dhe kanë kërkuar ndihmë mjekësore.
Menjëherë pas njoftimit, njësia e trafikut të autostradës ka dalë në vendin e ngjarjes për kryerjen e procedurave përkatëse. Për shkak të pranisë së mjetit në rrugë, njëri nga shiritat e lëvizjes është bllokuar përkohësisht për qarkullim.