Një aksident i rëndë rrugor ka ndodhur mesditën e sotme në fshatin Bilaj të Krujës. Një automjet ka humbur kontrollin, duke dalë nga rruga dhe duke përfunduar në një kanal. Sipas informacioneve paraprake, nga ky aksident kanë mbetur të plagosur rëndë dy persona, shtetasit K.H., 22 vjeç, dhe S.Xh., 20 vjeçe.
Të dy të rinjtë janë transportuar menjëherë drejt Spitalit të Traumës në Tiranë për t'iu nënshtruar trajtimit mjekësor të specializuar. Në vendngjarje kanë mbërritur forcat e policisë dhe grupi hetimor, të cilët po punojnë për zbardhjen e rrethanave dhe shkaqeve të këtij aksidenti. Ndërkohë, pamjet nga vendngjarja tregojnë se automjeti ka përfunduar i kthyer përmbys në kanal pas daljes nga rruga.