Një aksident trafiku është regjistruar gjatë paradites së sotme në fshatin Celinë, përgjatë aksit rrugor që lidh Gjakovën me Prizrenin. Ngjarja ka ndodhur rreth orës 11:00, ku për shkak të përplasjes ndërmjet dy automjeteve, tre persona kanë pësuar lëndime trupore.
Sipas njoftimit zyrtar të Policisë, të lënduarit janë dërguar menjëherë për trajtim mjekësor. Zëdhënësi i Policisë për Rajonin e Gjakovës, Sheremet Elezaj, ka bërë të ditur se përveç dëmeve materiale në automjete, rrethanat e këtij aksidenti janë aktualisht nën hetim nga Njësia Rajonale e Komunikacionit Rrugor.