Një aksident rrugor ka ndodhur rreth orës 11:30 të datës 23 shkurt në aksin nacional Pushim i Shoferit, Divjakë, në dalje të fshatit Gur.
65-vjeçari, banor i fshatit Kryekuq, udhëtonte me motoçikletë drejt qytetit kur humbi kontrollin dhe u rrëzua në një pjesë të drejtë rruge. Ai ishte në gjendje të rëndë dhe nuk mund të fliste për rrethanat e ngjarjes.
Ambulanca e transportoi menjëherë drejt Spitalit të Lushnjës, ku konfirmohen fraktura të rënda në gjymtyrë dhe kokë, si dhe lëndime të shumta. Nuk dihet nëse kishte të vendosur maskën mbrojtëse gjatë aksidentit.
Policia e rendit në Divjakë ka mbërritur në vendngjarje dhe pret arritjen e njësisë së qarkullimit rrugor dhe të grupit të punës për zbardhjen e shkaqeve.
Segmenti rrugor Pushim i Shoferit në Divjakë frekuentohet shpesh nga motoçikleta dhe në të kaluarën ka regjistruar aksidente të rënda, përfshirë humbje jete.