Një aksident rrugor ka ndodhur në aksin Lushnje-Berat, në afërsi të fshatit Stan-Karbunarë, ku një motoçikletë është përplasur me një automjet tip Opel.
Si pasojë e përplasjes, drejtuesi i motoçikletës ka mbetur i lënduar rëndë dhe është transportuar në spitalin e Lushnjes. Sipas të dhënave paraprake, ai ka pësuar fraktura në këmbë dhe në kokë.
Në vendngjarje ka mbërritur policia rrugore, ndërsa pritet grupi hetimor për zbardhjen e shkaqeve dhe rrethanave të aksidentit. Dyshohet se motoçikleta ka kryer një manovër për të hyrë në një pikë karburanti, kur ka ndodhur përplasja me automjetin.
Aksi i vjetër rrugor Lushnje-Berat frekuentohet kryesisht nga banorët e zonës dhe nuk ka trafik të rënduar, pasi pjesa më e madhe e qarkullimit zhvillohet në aksin e ri, që nuk kalon brenda fshatrave.