Një aksident i rëndë rrugor u regjistrua në autostradën Lushnjë–Fier, në vendin e njohur si „Pushimi i Shoferit”. Një motoçikletë me targa të huaja u përplas me një automjet tip VW në rrethana ende të paqarta.
Si pasojë e përplasjes së fortë, drejtuesi i motoçikletës mbeti i plagosur rëndë. Ai u transportua menjëherë me autoambulancë në Spitalin e Lushnjës, ku ndodhet në gjendje kritike për jetën.
Shërbimet e Policisë Rrugore mbërritën në vendngjarje për të menaxhuar trafikun dhe për të normalizuar qarkullimin, pasi u krijua ngarkesë për disa minuta.
Sipas të dhënave paraprake të policisë, dyshohet se automjeti tip VW hynte në kryqëzim, ndërsa motoçikleta u përplas me të. Këto mbeten versione paraprake në pritje të verifikimit të plotë të dinamikës.
Në vendngjarje gjendet pajisja regjistruese e kaskës së motoçiklistit, e cila pritet të ndihmojë hetuesit në zbardhjen e rrethanave. Grupi hetimor do të kryejë veprimet procedurale për të përcaktuar shkaqet e sakta.
Përditësime
Policia e Shtetit ka publikuar njoftimin zyrtar të plotë për aksidentin në autostradën Lushnjë–Fier.
Drejtuesi i VW-së është Zabit Hoxha, 50 vjeç, ndërsa ai i motoçikletës Anxhelo Tare, 28 vjeç.
Aksidenti ndodhi rreth orës 18:25.