Një aksident rrugor ka ndodhur mbrëmjen e të premtes në hyrje të qytetit të Beratit, në vendin e quajtur Rruga e Re.
Dy automjete, njëri tip Mercedes Benz dhe tjetri tip Toyota, janë përplasur me njëra-tjetrën. Si pasojë janë plagosur lehtë çifti i bashkëshortëve që udhëtonin në mjetin tip Mercedes Benz.
Të plagosurit janë transportuar në Spitalin Rajonal Berat, ku po marrin mjekim.
Në vendngjarje kanë mbërritur forcat e Policisë Rrugore, të cilat po kryejnë këqyrjen e vendit të aksidentit për të përcaktuar dinamikën dhe shkaqet. Disa burime raportojnë se përplasja erdhi gjatë një manovre kthese majtas të njërit nga drejtuesit.