Një aksident rrugor ka ndodhur mëngjesin e 20 marsit 2026, në aksin nacional Berat-Dimal, në zonën e Moravës. Dy automjete u përplasën me njëra-tjetrën gjatë një tentative për parakalim.
Si pasojë të përplasjes, u plagosën drejtuesit e të dy mjeteve: Kristaq Stefa, 69-vjeç, banues në Kuçovë, dhe S.Z., 52-vjeç, banues në Berat.
Të plagosurit u transportuan me ambulancë fillimisht në Spitalin Rajonal Berat, ku morën ndihmën e parë mjekësore. Më pas, ata u dërguan urgjentisht në Spitalin e Traumës në Tiranë për kujdes të specializuar.
Forca policore të shumta ishin të pranishme në vendngjarje. Ato kryen këqyrjen e zonës dhe kanë nisur hetimet për të zbardhur rrethanat dhe shkaqet e aksidentit.