Një aksident rrugor u regjistrua të hënën pasdite ose në mbrëmje në hyrje të tunelit të Llogarasë, në aksin Orikum-Himarë, ndërsa automjeti udhëtonte në drejtim të Himarës.
Automjeti u përplas me barrierat metalike anësore të rrugës. Si pasojë e goditjes së fortë, barrierat depërtuan mes për mes mjetit dhe shkaktuan dëme të mëdha.
Drejtuesi i mjetit, Endri Cenodemaj, 22-vjeçar, u lëndua dhe u transportua në Spitalin e Vlorës, ku gjendja e tij është jashtë rrezikut për jetën. Dyshohet se humbja e kontrollit të mjetit erdhi për shkak të shpejtësisë së lartë.
Në vendngjarje mbërritën menjëherë forcat e policisë, zjarrfikësit dhe autoambulanca. Grupi hetimor po punon për zbardhjen e plotë të rrethanave të aksidentit.