Një aksident rrugor është regjistruar mesditën e së shtunës, rreth orës 15:01, në aksin rrugor Kukës-Gostil. Një automjet ka përplasur një motoçikletë, duke lënë të plagosur drejtuesin e kësaj të fundit.
Sipas njoftimit të policisë, shtetasi A. M., duke drejtuar automjetin e tij, është aksidentuar me motoçikletën e shtetasit B. Sh., banues në Kukës. Si pasojë e përplasjes, B. Sh. ka marrë dëmtime dhe po merr ndihmë mjekësore në Spitalin e Traumës në Tiranë.
Drejtuesi i automjetit, A. M., është shoqëruar në komisariat për veprime të mëtejshme. Grupi hetimor ndodhet në vendngjarje dhe po punon për sqarimin e rrethanave të aksidentit.