Një aksident rrugor është regjistruar mesditën e sotme në qytetin e Kukësit, ku për pasojë kanë mbetur të lënduar lehtë dy fëmijë të mitur. Ngjarja ka ndodhur rreth orës 13:30 në rrugën “Dituria”.
Sipas njoftimit zyrtar të policisë, shtetasja me inicialet V. D., e cila drejtonte automjetin, dyshohet se ka humbur kontrollin mbi mjetin. Për pasojë, automjeti ka dalë nga rruga dhe është përplasur me murin e një subjekti.
Nga përplasja janë dëmtuar lehtë dy pasagjerët, fëmijët e drejtueses së mjetit, të moshave 10 dhe 7 vjeç. Ata janë dërguar menjëherë për të marrë trajtim mjekësor dhe, pas marrjes së ndihmës së nevojshme, janë larguar për në banesat e tyre. Grupi hetimor po punon për zbardhjen e plotë të rrethanave të aksidentit.