Një aksident me pasoja fatale ka ndodhur rreth orës 13:30 të së dielës, 19 prill 2026, në aksin rrugor Bicaj-Kukës, pranë Aeroportit të Kukësit.
Shtetasi F. B., 56 vjeç, duke drejtuar automjetin tip Passat me targa AB475SG, përplasi këmbësorin I. H., 64 vjeç, banues në fshatin Bicaj. Si pasojë e përplasjes, I. H. ndërrroi jetë në vendngjarje, sipas njoftimit zyrtar të policisë.
Drejtuesi i mjetit u shoqërua menjëherë në Komisariatin e Kukësit për veprime të mëtejshme procedurale. Forcat e policisë dhe grupi hetimor mbërritën në vendngjarje për verifikimet e nevojshme.
Grupi hetimor vazhdon punën për sqarimin e rrethanave dhe shkaqeve të aksidentit.